Napadilat sa isa't isa sina Dhoy at Vhon. Kapwa sila nawalan ng kulay sa mukha. Nahintakutan silang parehas.
"Huwag kayo riyan dumaan! Dito!" Pero nagtaka sila sa sinabing boses ulit ng babae na iyon.
Napakurap sina Vhon at Dhoy, pagkuwa'y sabay nilang nilingon ang babae.
"Ashlene?!" Halos sabay rin nilang sambit sa pangalan ng babaeng sunog ang mukha. Kahit paano ay nakahinga ng maluwag ang dalawang sundalo. Buti na lang!
"Dito! Sumunod kayo sa 'kin!" sabi ni Ashlene na lumusot sa masikip na daanan ng kweba.
Nagkatinginan sina Dhoy at Vhon. Nagngusap ang mga mata nila. Sabagay pinagkatiwalaan ito ni Hilmar, kaya naman siguro pwede nila itong pagkatiwalaan din ngayon.
"Bilisan niyo!"
Tumango sina Vhon kay Dhoy. Kumilos na sila. Sumunod na sila kay Ashlene.
"Ayun sila!" Narinig nila
