BANGS
Hindi ako mapakali habang nagluluto at nakatulong na tulog pa si Cam. Anong nalaman ni Ruslan sa pagkakabangga ni Nanay? Sino ang sangkot? Iyon ba ang nagtulak kay Tatay para mabago ang desisyon n'yang pagbili ng lupa at umalis na sa bayan na 'yon pagkatapos?
Tinawagan ko si Delfin at makailang ring ay sumagot s'ya.
"Hello, Bangs. Wala pa akong update," sabi n'ya sa akin.
"Delfin, itatanong ko lang sana kung nariyan pa kina T'yang 'yong kotse nila."
"Oo, narito pa rin. Pero ang alam ko ay kasama 'yon sa gustong ibayad sa isang milyon. Iyong napagbilhan nga ng lupa na kinatitirikan ng bahay n'yo noon ay isasama na rin na pangdagdag doon. Hindi ko lang alam kung may natira pa at alam mo naman kung gaano kabilis gumastos ang mga pinsan mo. Si Luningning nga ay hindi pa pinapasahod
