Natapos ang seremonya pero mas lalong lumalakas ang ulan, maging hangin ay hindi na talaga biro.
Mukhang super typoon na dahil nagliliparan na ang mga sanga ng kahoy at maging mga kagamitan ng mga katutubo. Aba eh mukhang wala pang balak magsiuwi sa kani-kanilang bahay ang mga ito.
“Ellerie, mukhang delikado na tayong nandito sa labas ng bahay. Maaari bang ianunsyo mo na magsipasok na ang lahat sa kanilang mga bahay. Mukhang magkakaroon ng ipu-ipo, pansin mo iyang papaikot na mga sukal na iyan, kapag lumaki iyan delikado iyan para sa lahat.” wika niya sa babae.
“Ah Alimpuyo? Iyan ang tawag dito sa amin, hayaan mo na at ang aming mandirigma at babaylan ang bahala diyan. Hindi mo maaawat ang mga iyan sa kasiyahan lalo pa at mamaya lamang pagputok ng bukang liwayway ay aalis na tayo.” w
