Kierra Celestina Ellie
NAKAUPO lang ako dito sa taas ng kama ko at nakasandal sa headboard nito habang nakatingin sa kawalan. 11:35 PM na pero hindi pa rin ako makatulog dahil sa kakaisip sa mga pangyayaring naganap kanina sa loob ng simbahan.
Nakakalungkot dahil hindi natuloy ang kasal namin ni Larco dahil sa biglang pagdating ng mga armadong lalaki at nagpaputok ng baril. May dalawang guest ang natamaan sa binti, at ako naman ay natamaan din sa braso pero daplis lang dahil mabilis akong nahila ni Larco sa kanyang tabi. Pero kung hindi ako nahila ay baka tumama sa likod ko ang bala, at baka namatay na ako.
Nakakatrauma sa totoo lang. Hanggang ngayon ay parang narito pa rin ang takot sa dibdib ko. Hindi ko alam kung sino ba ang mga lalaking 'yun na pagkatapos nagpaputok ay agad ding um
