MATAMAN kong tinitigan ang painting matapos ko itong ipinta: Sa isang superstar yacht ay may lalaki at babae ang nakatayo habang pinapanood ang paglubog ng sikat ng araw, nakayapos ang mga bisig ng lalaki sa maliit na baywang ng babae at pareho silang nakangiti. Isang eksena ng nakaraan na magpahanggang ngayon ay hindi pa rin nawawala sa aking puso't isipan, na tuwing naalala ko ay siyang nagbibigay kalma at ngiti sa akin.
“Heartbeat In The Yacht,” usal ko at sinulat ito sa likod ng painting para maging title.
Napangiti ako at tumayo na, nilagay ko na sa isang tabi ang painting para patuyuin.
“Hay naku, sobrang kalat ko naman.” Napailing na lang ako nang mapagmasdan ang loob ng attic room ko; talagang ang kalat kong magpinta.
Naglinis na lang ako sa loob, at nang matapos ay bumaba na a
