Am I just imagining things?
Hallucinating?
Pero hindi maaari dahil sure akong narinig ko talaga ang pamilyar na boses na iyon, naabutan ko pa sa pagbuksan ko ng ilaw, hindi ko nga lang makita ang mukha dahil bukod sa nakatalikod na ay nakasuot pa ng itim na bonet. Kaya lang sa isang pagkurap ko lang ay bigla na lang naglaho na parang bula, at nang dumungaw ako sa bintana ay wala naman akong nakita ni anino ng tao.
Nababaliw na yata ako, kung anu-ano na lang ang nai-imaging ko dahil sa sobrang pangungulila sa ama ng mga anak ko.
“MARAMING SALAMAT, hija, lubos kaming nagpapasalamat sa biyayang ibinigay mo rito sa aming bahay ampunan. Malaking tulong ito sa mga batang nangangailangan,” nakangiting wika ng madre sa akin at hinawakan pa ang kamay ko.
Narito ako ngayon sa ampunan, ang pagka
