NAGISING ako nang makaramdam ng munting kiliti sa aking mukha. Ayaw ko pa sanang imulat ang aking mga mata dahil parang inaantok pa ako, gusto ko pang matulog. Pero nang makarinig ng munting bungisngis ng anak ko ay napilitan akong magmulat.
Sa aking pagmulat ay agad na bumungad sa akin ang napakaguwapong mukha ng isang anghel. Nakatitig sa akin ang mga mata nitong kulay abo, at nakangiti ang labi nito na siyang dahilan ng paglabas ng mapuputi at pantay-pantay nitong ngipin. Napaka-neat ng kanyang ngiti na mas lalong nagpakisig at nagpaguwapo sa kanya.
“Good morning, my queen. Wake up, sweetheart.” Ang lambing ng kanyang boses.
Pero teka, nasa langit na ba ako? Bakit may anghel?
Napakurap-kurap pa ako para masigurong hindi ako dinadaya lang ng aking mga mata. Pero kahit anong pagkurap
