Pinaupo muna ni Diane ni Rj sa isang upuan habang inaantay nila ang paglabas ng Doctor na umasikaso kay Tatang.
"Okay lang kaya si Tatang?" nangangatog niyang tanong. Labis-labis kasi ang pag-aalala pa rin niya sa matanda.
Ang hindi niya inaasahan ay ang hawakan ni Rj ang kanyang isang kamay bago siya sagutin nito. "Huwag kang mag-alala okay lang siya. Kaya na 'yon ng mga doctor. Hindi siya pababayaan sa loob."
Pumanatag ang kalooban niya kahit paano para kay Tatang. Sabagay may tiwala naman siya sa Doctor na umasikaso. Hindi nga lang siya mapakali ulit gawa ng magkadaop na kamay nila ni Rj, naiilang siya. Gusto niyang bawiin ang kamay niya pero ang hindi niya kasi maintindihan sa sarili niya ay parang gusto niya 'yung pakiramdam na hawak-kamay sila ni Rj. 'Di niya tuloy maiwasang sulya
