Napasimangot si Diane nang makita niyang kampanteng nagbalik si Rj at may dalang softdrink nang lumapit ito sa kanya, umalis kasi ito saglit. At aba't pa-easy-easy na lang sa pagmimiryenda ang loko. Samantalang siya ay pawis na pawis na sa paghahanap kay Tatang. Gustong umusok ang ilong niya sa inis!
"Gusto mo?" Bakas sa tinig pa ni Rj ang pag-iinggit sa malamig na coke na nasa plastik.
"Ayoko!" sagot niya sabay kalabit sa mamang dumaan. "Kuya, baka nakita mo ang lalaki rito sa picture?" Kaso ay umiling lang ang lalaki. Nalungkot siya. Wala ba talagang nakakakilala kay Tatang?! Ano ba naman 'yan?!
"'Wag kang mag-alala mahahanap din natin siya," sabi ni Rj na may biscuit din na kinakain.
Lalong nag-init ang ulo niya. "Pa'no kaya mahahanap kung ang isa d'yan eh, pamirye-miryenda lang! Ga
