Nakayukong tinatahak ng dalaga ang daan pabalik sa kanilang bahay. Kagagaling niya lang sa kanilang trabaho ngunit nakasuot pa rin siya ng school uniform. Nagpapart-time job kasi siya sa isang restaurant na malapit sa kanilang paaralan upang makatulong sa mga gastusin.
“Sige pa! Tagay pa tayo pare!” Sa may di kalayuan ay naririnig niya ang mga maiingay na salitaan ng mga nag-iinuman. Naisin man niyang huwag dumaan sa harapan nila ay hindi niya magawa. Ang kantong ito lang kasi ang nagsisilbing daan patungo sa bahay ng Tita Belinda niya kung saan sila kasalukuyang nakikitira ng kanyang ina.
“Pare…Ayan nanaman ang magandang anak ni Flores,” sabi ng isang lasing na tambay na may mga tatoo sa katawan. Sinabayan niya rin ito ng isang nakakabastos na sipol. Awtomatiko namang hinila ng dalaga a
