Malakas ang kabog ng dibdib ni Ghana nang simulang tahakin ng kinasasakyan nilang van ang medyo malagubat na daanan papasok sa rest house ng mga Sison. Sa mga nagtataasang puno ng mahogani at acacia, hindi magkakamali ang dalaga sa kanyang iniisip. Ang pupuntahan nilang rest house ay parehong bahay kung saan niya unang nakita si Cohen kasama ang dalawa pang binata na sa awa ng Diyos magpasahanggang ngayon ay hindi pa niya nakikita.
Hindi naman niya mapigilan ang sariling mahigpit na mapakapit sa malambot na upuan ng van sa loob, nang tumapat sila sa malaking bato na bahagyang nakapagilid sa semantadong daanan. Kusa namang bumalik sa kanyang alaala ang pangyayaring iyon…ang dahilan kung bakit siya nagkaroon ng hindi maipaliwanag na takot sa dilim.
Umuulan noon nang patakbong linilisan ng
