Umiiyak na nagkukwento si Antonio sa kaibigang si Ghana nang makapasok na ang mga ito sa loob ng condo ng dalaga. Inabutan naman siya nito ng tubig at panyo bilang pagcocomfort. Ikinwento ng baklang kaibigan ang masasakit na salitang natanggap niya mula sa kanyang mga magulang nang umuwi ito sa kanila upang ipagdiwang ang kaarawan ng tatay nila. Iyon iyong ‘personal matters' na sinabi nitong dahilan kung bakit hindi ito makakadalo noon sa party ng Engrande de Manila.
Ang inaasahan niyang masayang pagsalubong sa kanya ay hindi nangyari. Umuwi rin kasi ang nakababata nitong kapatid na si DeCarpio na siyang ipinagmamalaki at pinkapaborito ng mga magulang nila. Mistulang isang talunan si Antonio sa mata ng kanyang mga magulang lalo na sa tatay nito. Kinukumpara siya sa tagumpay na natatamasa
