"Dalawang araw na lang at ikakasal ka na ulit." Natatawang sabi ni Ate Alice.
Pinuntahan niya ako sa mansyon kasama niya si Ayen at Nancy, para tulungan akong magligpit ng mga gamit ko. Bukas na kasi ang flight namin papunta sa Amerika. Pinagbigyan ko na ang hiling ni Elisa na sumama sa Amerika para makasama sila. Ang plano ko ay magbabakasyon lang ako. Sasabihin ko sa kanila ang plano ko kapag nasa ibang bansa na kami.
"Hays! Hindi na talaga matutuloy ang pangarap kong maging maid of honor sa kasal mo. Ang ganda pa naman ng gown ko. Hindi ko naman pala masusuot.
"Ewan ko ba diyan kay Euhanna, masyadong tanga!" inis na sabi ni Ate Alice.
Hininto ko ang paglalagay ng damit ko sa maleta. "Kayo muna ang bahala kay Cedric, babalik din ako pagkalipas ng tatlong buwan."
"Paano kung hindi k
