"Nagising ako nang makaramdam ako ng pananakit ng tiyan. Pagbangon ko ay mas lalong doble ang sakit na naramdaman ko dahil hindi lang tiyan ang masakit sa akin maging ang ulo ko. Nakakaramdam din ako ng hilo.
Nakahawak ako sa ulo ko habang nakaupo ako sa kama at nakasandal ang likod sa dashboard ng kama.
"Grabe ang sakit ng ulo ko."
Naalala ko kagabi ay uminom ako ng alak. Kahit ilang beses akong pinigilan ni Simon ay hindi ako nagpapigil. Naging pabaya ako dahil sa sobrang lungkot ng pangungulila ko kay Aldrin. Kahit hindi naman matapang ang ininom kong alak at kaunti lang kumpara sa alak na iniinom ko noong hindi ako buntis. Hindi pa rin tama ang ginawa ko. Alam ko kasing bawal ang ginawa ko pero sinunod ko pa rin ang isip ko. Kinapa ko ang tiyan ko. "I'm sorry, anak. Hindi na mauuli
