"Mommy, Daddy!" Tumakbo palapit sa amin si Cedric nang makita niya kaming lumabas ng kotse. Dalawang linggo kaming hindi nagkita mula nang maaksidente ako.
Niyakap ko siya ng mahigpit. "Anak ko, I miss you so much." Pinugpog ko siya ng halik.
"I miss you, too, Mommy and Daddy." Lumapit din siya sa Daddy para yakapin ito at halikan.
"Naging good boy ka ba rito?" tanong ni Aldrin.
Tumango si Cedric. "Opo, lagi po ako kumakain ng gulay at natutulog sa tanghali."
Ginulo ni Aldrin ang buhok ni Cedric. "That's my boy."
"Nasaan ang Ate Elisa mo?" tanong ko.
Hindi ko kasi siya nakitang sumalubong sa amin ni Aldrin.
"Nasa loob po siya Mommy. tinuturuan magluto ni Ate Ayen," sabi niya.
Si Ayen ang anak sa pagkadalaga ni Ate Alice. Halos pareho kami ng sinapit ni Ate. Ang naging pagkakaiba
