NAGING abala sa sumunod na mga araw sina Aria at James. Isang buwan bago ang kasal nila ay mas pinili nalang ni James na mag-leave sa trabaho para matutukan nilang pareho ang pag-aasikaso sa nalalapit na araw ng kanilang pag-iisang dibdib.
Kinabukasan makalipas ang nangyaring pagdukot sa kanya ni Norman ay minabuti ng binata ang ilapit siya sa isang psychologist. At ganoon rin naman ang ginawa ni Jocel sa anak nitong si Janna.
Gaya ng inaasahan, itinuloy ng binata ang pagsasampa ng kaso laban kina Norman at Paula. Hindi na siya kumontra doon dahil kung tutuusin iyon naman talaga ang dapat. At kung may bago siyang natutunan sa lahat ng nangyari, iyon ay ang katotohanang walang mabuting maitutulong sa buhay ng isang tao ang lahat ng negatibong emosyon katulad ng galit, selos, inggit at kas
