MABILIS na ibinaba ni Elena ang binabasang magazine ng makita si Sire. Hanggat maaari ay nirendahan na niya ang puso sa muli nilang paghaharap ng binata.
But damn it! Ipinagsisigawan ng isip niya kung gaano niya ito na-miss sa kabila ng lahat-lahat na sakit na tinamo niya rito. Mukhang walang kuwenta ang ginawa niyang paglalagi sa Italy sa loob ng dalawang buwan. Ngayong nakaharap na niya ang binata, napatunayan niyang hindi pa rin siya nakaka-move on sa nangyari noon sa pagitan nila.
Ngumiti siya sa kabila ng kaba sa dibdib niya. Kung ilang lakas ng loob yata ang baon niya para hindi mag-back out sa sandaling magkaharap na sila ni Sire.
"Ano'ng kailangan mo?"
Bakas sa anyo at boses nito ang panlalamig pa rin sa kanya. Hindi pa rin ba siya nito napapatawad hanggang ngayon? Sa isiping i
