NAPASANDAL sa bintana si Elena ng marinig ang sinabi ni Sire sa kabilang linya. Hindi raw muna sila matutuloy sa plano nilang isang linggong bakasyon sa Japan.
Bago pa man umeksena muli si Charity sa buhay ni Sire ay napapayag siya nito sa hinihiling nitong out of town sa kanya. Pumayag din siya noon pero ang gusto niya ay sa Japan sila pupunta. Mas mukha pa nga itong excited kaysa sa kanya noon. Pero bakit ngayon ay nagbago ang desisyon nito? Sabi pa nito na magli-leave ito para lang makasama siya.
Para tuloy gusto niyang pumunta sa Pagbilao City kara-karaka para itanong dito kung bakit? Nang mga sandali kasing iyon ay nasa bahay siya ng mga magulang niya sa Ayala Alabang Village dahil sa pakiusap ng ina na makita at makasama siya. Buhat kasi noong umuwi siya ng bansa ay nanatili na si
