“THE last time na nakita kitang mukhang devastated, six years ago pa.”
Nang makita ni Sire si Daizuke Niwa sa tabi niya ay muli niyang binalingan ang alak na iniinom. Napatawa pa siya ng pagak sa sinabi nito. Nang mga sandaling iyon ay nasa Night Out Bar siya sa loob ng Leisure Club.
“What’s the problem this time? Sabi ni Sef, inaaraw-araw mo na raw dito sa bar niya. Pinayayaman mo siya masyado.”
“Same six years ago,” matabang niyang sagot dito.
Sandaling natahimik si Daizuke sa sinabi niya. “Your wife this time.”
Napapikit siya ng mariin ng banggitin nito ang salitang wife. Inisang lagok niya ang laman ng baso niya at muli iyong sinalinan.
“Anyway, lumabas sa isang magazine na na-engage kayong dalawa ni Elena. Iniisip ko nga kung formal engagement niyo ba ‘yong dalawa dahil ikinasa
