"Magaling kung gano’n. Sige, magkita tayo ngayon din sa mall. Sa dati. May bonus kayo sa ‘kin.”
Nakangising pinatay ni Ashlene ang kanyang cellphone at saka kampanteng tumayo para magbihis. Maaasahan talaga ang kanyang mga tauhan. Hindi pa rin siya mga ito binibigo.
Naitapon na raw nila kasi sa malayong probinsya si JL. Ibig sabihin ay wala na siyang alalahanin pa. Kung makakabalik man dito sa Maynila ang babaeng malandi na iyon ay siguradong matatagalan pa o baka nga hindi na makabalik pa kaya wala na ang stress sa kanyang isipan. Mas malaya na niya ngayon magagawa ang pagpapanggap at paikutin sa palad niya ang walang kuwenta niyang asawa.
Ngiting-ngiti siya na tinungo ang banyo nang biglang sumakit ang ulo niya, may naaalala na naman ang utak niya.
“Ah!” ngiwing-ngiwi na daing niya n
