Kanina pa tinatawagan ni Marjorie ang kanyang Sir Migs pero hindi niya ito ma-contact. Out of coverage area ang phone ng kanyang amo. Malamang ay nasa kalagitnaan na ng meeting.
“Naku naman. Paano ko malalaman kung sinong Darren ang sinusundo ko nito. Hindi ko naman alam ang apelyido niya.” Naiinis niyang ibinulsa ang cellphone niya. Wala na siyang magagawa kundi ang makipaghulaan na lang kung sino ang Darren sa mga pasahero mamaya na lalabas ang pamangkin ng kanyang amo.
Luminga-linga siya sa paligid. Tulad niya ay madami ring tao na naghihintay sa waiting area ng airport. Nakita niya ang mga papel na isinulat ng mga ito kaya humingi siya sa nakatabi at isinulat niya rin doon ang pangalan na Darren at itinaas. Bahala na kung magkikita sila ng Darren na iyon o hindi. Basta sumunod naman
