MAKALIPAS ANG ILANG araw, nailibing na rin ang kaniyang inay at nabalitaan niyang nailibing na rin si Manang Alice. Sayang, hindi man lang niya napuntahan ito. Malayo kasi ang tirahan nito, sa Bicol pa kaya hindi man lang siya nakiramay. Ipagdadasal na lang niya ang kaluluwa nito kasabay ng kaniyang inay na ngayo'y natatakluban na ng lupa. Salamat sa mga magulang niya dahil naging maganda ang libing ng mahall niyang inay. Maganda ang pinaglibingan dito, sa memorial— pribadong sementeryo. Masakit pa rin para sa kaniya pero pipilitin niyang tanggapin kahit alam niyang hindi iyon mawawala ng ganoon na lamang.
Tahimik na sumakay si Rosallia sa sasakyan. Katabi niya ang nanay Julietta niya sa backseat samantalang ang tatay Nathan naman niya ang nagmamaneho. Wala na siyang narinig pang ingay at
