"KUMUSTA KA NAMAN dito?" tanong ni Rosallia kay Ebet.
Nasa harap niya si Ebet habang may posas ang mga kamay nito at nasa tabi naman niya si Mean. Nang dumating ang hapon, sinundo na rin siya nito dahil iyon ang kanilang napag-usapan kanina. Sa ilang linggong pagkakabilanggo kay Ebet, ngayon lamang nila nagawang dalawin dahil wala siyang oras at sunod-sunod na nagka-aberya.
"Ayos lang naman ako, Rosallia," sagot ni Ebet at mula sa mga mata nito, kita niya roon ang matinding kalungkutan.
"Hindi ka ayos, Ebet," saad ni Mean.
"Hindi niyo na ako kailangan pang-alalahanin dahil ayos lang ako. Bagay lang ito sa akin dahil sa kasalanang nagawa ko. Ganito naman ang nangyayari sa mga makasalanan, hindi ba?" Ngumiti si Ebet pero alam niyang pilit lang iyon.
"Hindi ka makasalanan, Ebet, huwag mo
