Note: Ang kabanatang ito ay nangyari bago ang wakas!
* * *
"HAPPY BIRTHDAY, ANAK!" masayang bati ni Rosallia sa anak niyang si Rosie habang mahigpit niya itong karga.
Ngayong araw ang ika-unang kaarawan ni Rosie at ngayong araw din ang anniversary nila ni Nate sa kasal nila. Sobrang saya niya dahil naging masaya sila sa mga nagdaang buwan. Kuntento na siya at hinihiling niya na sana'y magkaroon pa sila ng anak at lalaki naman ang susunod. Sa ngayon, hindi muna siya pumapayag magpa-ano sa asawa niya dahil nag-aaral pa siya. Baka kapag lumipas ang mga taon, ay saka siya papayag na magpabuntis sa asawa niyang wala ng ibang ginawa tuwing gabi kundi ang umungot nang umungot.
"I'm so happy, anak. Tingnan mo naman ang apo ko, o. She's so beautiful and she looks like you. Your version 2.0," n
