"Abril. 1998..."
Hindi mapigilan ni Gabriel ang pagkunot ng noo habang nakatitig sa petsang nakasulat sa video tape. Hindi siya maaaring magkamali. Tandang-tanda pa niya nang ibalita sa kanila ang pagkamatay ng kaniyang ama sa isang car accident noong buwan ng Mayo. Kung ganoon, isang buwan bago ito maaksidente at mamatay ay nakapunta pa ito sa isla.
Mabilis siyang lumapit sa lumang telibisiyon at sinubukan itong isaksak sa kuryente upang tingnan kung gumagana pa rin ito. Laking-pasasalamat niya nang i-on ito ay nabuksan ang TV. Pinaupo niya si Carmina sa sofa at ipinasok ang video tape sa VHS. Umupo na rin siya sa tabi ng dalaga at malakas ang kabog ng dibdib na hinintay ang anumang lalabas sa screen ng telibisiyon.
Naghintay sila ng halos limang minuto bago lumabas ang itim na backgro
