NAPANGITI nang malapad si Carmina matapos niyang umupo sa malambot na sofa na kulay julep green. Kahahatid lang ni Gabriel sa kanila ng Ninang Betla niya sa apartment na pansamantala nilang titirahan hangga't hindi pa natatapos ang bahay na ipinapatayo nito. Nagmamadali ring umalis kanina ang lalaki dahil may kailangan daw itong asikasuhin sa opisina.
Nilibot niya ang tingin sa paligid. Sa harap niya ay may isang malaking flat-screen TV, sa gitna ay ang may kaliitang mesa na babasagin at sa magkabilang gilid nito ay pang-isahang sofa na kapareho ng kulay ng inuupuan niya. Sa kanan niya ay ang balkonahe na may salaming pinto. Sa kanan naman ng balkonahe ay ang silid ng Ninang Betla niya, at sa tabi nito ang silid nila ni Gabriel. Sa harap ng pinto ng kuwarto nila ay ang pinto ng kusina na
