GABI na nang makauwi si Gabriel sa inupahan niyang maliit na apartment para sa kanila ni Carmina. Ang bahay na ipinagawa niya para sa kanila nang magdesisiyon siyang alukin ito ng kasal ay hindi pa natatapos. Gamit ang sariling susing nasa kaniya ay nakapasok siya sa loob ng apartment at nadatnang kumakain sa kusina ang babae.
"Love?" Napangiti siya nang makita itong nagbabalat ng mangga. Lumuwang naman ang ngiti sa mga labi nito nang makita siya.
"Gabriel!" Agad nitong ibinaba ang hawak na kutsilyo at prutas na mangga saka patakbong nilapitan siya. Ipinulupot nito ang mga kamay sa kaniyang leeg at mahigpit siyang niyakap.
"Nagugutom ba ang love ko? Heto, may dala akong pagkain." Kumalas siya sa yakapan nila at hinalikan ito sa pisngi. Saka naman niya itinaas ang supot na puno ng pagkai
