MARIING kinagat ni Carmina ang ibabang labi matapos isara ang pinto ng apartment. Isinandal niya ang likod sa pinto at tumingala upang hindi tuluyang pumatak ang luha mula sa mga mata niya.
Ikakasal na sila ni Gabriel bukas pero bakit parang naninikip ang dibdib niya? Kung dahil iyon sa palabas na pinanood nila kanina, o sa mga pinagkuwentuhan ay hindi niya alam. Basta may kakaibang kirot at pangamba siyang nararamdaman. Kung puwede nga lang pigilan si Gabriel na umalis at ikulong ito sa mga yakap niya, ginawa na niya. Kaso hindi puwede. Hindi maaaring ipagkait niya ito sa mga taong nagmamahal din dito.
"Oh, ano'ng nangyari sa iyo?" Lumabas si Betla mula sa silid nito. Nakadamit pambahay na ang matandang bakla. Nag-aalala itong lumapit sa tabi niya.
Umiling siya sa ninang niya. "Kinakab
