MASAMA ang timpla ng mukha ni Cassadee habang lulan siya ng kotse patungo sa villa na pagmamay-ari ni Gabriel. Buong araw niya itong hinahanap. Kamuntikan pa siyang magwala sa mansiyon ng mga Arellano nang sabihin ng kakambal nitong si Gabrielle na hindi nila alam kung nasaan ang lalaki. Akala niya ay itinatago na ng mga ito si Gabriel, iyon pala ay nagpunta ito sa retreat house na binili nito noon kasama ang ibang babae.
"Bullsh*t!" Marahas niyang sinipa ang nasa harap niya.
Nakaupo siya sa backseat dahil ayaw niyang makatabi ang lalaking si Damien. Halos limang oras na rin silang nagbibiyahe. Ayon sa pagkakatanda niya ay malapit na sila. Sisiguraduhin niyang gaganti siya kay Carmina. Napakatigas ng mukha nito. Akala niya ay natuto na itong matakot sa kanila, iyon pala ay sumama pa kay
