Kabanata 37
Sabado. Ilang araw na mula nang magkausap kami ni Sir Alonzo, at mula noon ay wala akong ibang ginawa kundi ang iwasan siya. May mga pagkakataong nag-uusap kami, pero dahil lang ‘yon kay Uno. Umuuwi pa rin kasi siya nang maaga at naglalaan ng oras sa anak niya, which is a good thing. Pansin kong mas sumigla ang bata at mas naging ganadong gawin ang mga pinapagawa kong lessons sa kanya dahil sa madalas na pagbo-bonding nilang mag-ama.
Masaya ako roon, pero hindi sapat na rason ‘yon para kalimutan ko ang ginawa niya.
Alam kong may kasalanan din ako sa nangyari. Naging mahina ako at isinuko ang sarili ko sa kanya, and that gave him the impression na pwede niya ‘yong gawing muli. Pero hindi. Hindi ako papayag na igaya niya ako sa ibang babae. Hindi kailanman magiging okay sa ak
