Kabanata 38
“Uno, come here…” tawag ko sa bata nang makita kong pawis na pawis na siya. Kakatapos lang nilang maglaro ng shooting game. Ewan ko kung ‘yon ba ang tawag doon—basta nagso-shoot sila ng bola sa ring. “Look at you…” sabi ko na lang bago kinuha ang towel sa bag ko at pinunasan ang mukha niya, leeg, at likod. Naglagay na rin ako ng polbo sa likod niya bago ako naglagay ng malinis na towel.
Ililigpit ko na sana ang mga gamit ko nang hawakan ni Uno ang kamay ko pagkatapos ay itinuro niya ang ama niyang nakaupo ‘di kalayuan sa amin at mukhang pawis na pawis din.
Napatingin ako sa bata. “G-Gusto mo ring punasan ko ang pawis ng daddy mo?” tanong ko sa kanya.
Inosenteng tumingin sa akin ang mga mata niya at tumango. Pagkatapos ay hinila na niya ako palapit sa ama niya. Agad naman ak
