Kabanata 46
Mabilis na lumipas ang mga araw. At sa mga nagdaang araw ay naging abala ako sa pag-aasikaso kay Sir Alonzo. Tumagal kasi ng tatlong araw ang sakit niya. Nagpa-check up na siya sa doktor ay sinabing trangkaso raw at kailangan lang ng pahinga.
Nang gumaling siya ay sunod naman akong naging abala sa mga gawaing bahay dahil tambak na ito lalo na’t wala pa si Ate Marie. Idagdag mo pa ang script na ibinigay sa akin ni Ma’am Antonette na kailangan kong basahin at memoryahin. Liban doon, isinasabay ko rin ang pag-aalaga at pagtuturo kay Uno.
Hindi ko alam kung paano ko nagawa ang lahat nang ‘yon nang sabay-sabay. At sa pagsapit ng panibagong linggo ay panibagong pagkakaabalahan na naman ang kakaharapin ko—ang shooting.
Halos mabingi ako sa lakas ng kabog ng dibdib ko habang unti-
