Kabanata 80
Narrator’s Point of View
Tatlong araw na ang lumilipas mula nang malaman ni Ligaya na nagbunga ang mga gabing pinagsaluhan nila ni Alas, at sa loob ng tatlong araw na ‘yon ay nagdesisyon siyang ilihim na muna ito kay Alas. Naghahanap pa siya ng perpektong pagkakataon na sabihin sa lalaki ang magandang balita. Sa mga araw ding nagdaan ay mas dumalas pa ang mga sintomas na nararamdaman niya. Pinipilit lang niyang magtrabaho dahil ayaw niyang makahalata ang mga kasama niya sa bahay.
Ngunit lingid sa kaalaman ni Ligaya ay matagal na siyang inoobserbahan ni Elizabeth. Ilang araw nang minamatyagan ni Elizabeth ang kasambahay dahil napapansin siyang may kakaiba sa ikinikilos nito. Pansin niya ang panghihina nito at ang madalas na pamamahinga. Minsan na rin niya itong nakitang nagm
