Kabanata 49
Nakatitig lang ako ngayon sa kisame ng kwarto ko at inaalala ang sagutan namin ni Sir Alonzo. Hanggang ngayon ay hindi pa rin ako makapaniwalang nagkaroon ako ng lakas ng loob na sabihin sa kanya ang dinadamdam ko. Matapang at prangka akong tao, alam ko ‘yon sa sarili ko, pero pagdating sa emosyon ko ay nahihirapan akong mag-open up. Nahihirapan akong ilabas ang dinadamdam ko. Hindi ko rin alam kung bakit. Siguro dahil lumaki akong itinatago sa mga magulang ko ang mga problema ko dahil ayoko nang dagdagan pa ang mga problema nila.
Huminga ako nang malalim bago marahang pumikit. Hindi ko alam kung anong mangyayari sa mga susunod na araw. Kung magalit man siya sa akin at pag-initan ako, e ‘di babalik ako sa dati na ang tanging iniisip lang ay ang trabaho ko—at ‘yon ay ang alag
