Kabanata 50
“See you later.” Iyon lang ang sinabi ni Enzo bago niya ibinaba ang tawag. Kunot-noo kong inilapag ang cellphone ko sa kama ni Uno bago ako bumalik sa pag-aayos ng mga gamit ni Uno na dadalhin ko.
Ilang araw na rin mula nang makuha niya ang number ko at mula noo ay madalas na siyang tumatawag sa akin nang walang dahilan. Iniistorbo lang niya ako at tinatanong ng kung ano-ano. Somehow masaya ako kasi nakakausap ko siya na para bang walang distansya sa pagitan naming dalawa; na para bang normal na mga tao lang kami. Pero napapaisip din ako na baka parte lang ito ng trabaho niya; na baka utos lang ng management para mas palalimin pa ang koneksyon naming dalawa.
Nang matapos kong ihanda ang mga gamit ng bata ay tinawagan ko na si Ma’am Antonette para sabihin sa kanyang tapos na
