Pagkatapos kong maligo ay agad na akong naghanap ng matutulugan at makakain. Paikot ikot lang ako sa islang iyon at nakahanap ako ng isang kubo. Agad kong pinasok ito at walang tao kaya sinamantala ko na.
Gubat ang likod ng kubo kaya agad na akong naghanap ng makakain kahit puro prutas lang at gulay. May nakita naman akong mapaglulutuan ng pagkain sa loob ng kubo.
Nagsindi na muna ako ng kaunting apoy dahil magdidilim na at wala akong dalang flashlight o kahit anong magagamit na liwanag.
Namulot na rin ako ng ilang kahoy hanggang sa may makita akong isang lalaki na nangangahoy din.
"Iho, delikado dito sa islang ito. Maraming makamandag na ahas. Aba naku, halika at restricted area ito." Tawag sa akin ng lalaki at agad akong lumapit sa kanya.
Nakauniform siya at nalaman kong bantay
