Nanatili muna ako sa poder ni Mama Camilla habang hindi pa ako nakakapagpasya kung babalik ba ako sa poder ni Uncle Vince o hindi na muna. Kinausap ako noong isang araw ni Mama Camilla kung gusto ko na bang magpahatid pauwi sa bahay ni Uncle Vince. Pero sinabi ko na huwag muna dahil hindi pa ako handa na makita siya. Hindi siya nag-usisa kung bakit ayaw ko pang bumalik sa kanya. Iginalang niya ang desisyon ko at pananahimik. Hanggang ngayon ay hindi ko pa sinabi sa kanya kung anong dahilan kung bakit nilayasan ko si Uncle Vince. I can't tell her, hindi na siguro niya dapat pa iyong malaman.
Gusto ko naman na talagang bumalik sa kanya. Pero kapag naiisip ko kasi na plinano ni Uncle Vince ang lahat para pahirapan ang mga magulang ko, bumabangon ang galit rito sa puso ko.
Ang sabi niya thi
