Magkahawak kamay kami ni Vincent habang naglalakad sa maputing buhangin ng dagat. Narito kami sa Pagudpud para magbakasyon ng ilang araw. Kaming dalawa lang ang narito sa Pilipinas dahil naiwan sa Turkey ang aming mga anak. Narito kami para mag-celebrate ng anniversary namin at syempre para masolo naman namin ang isa't isa.
Narito kami sa isang sikat na beach house rito na dinadayo pa ng mga parokyano na galing sa malalayong lugar. At syempre, hindi nawawala ang mga foreigner na laman na ng beach kahit saan man ako magpunta.
"Do you want to swim in the sea?" Vincent asked me. Nakaupo na kami sa may batuhan habang pinapanood ang mahinang paghampas ng mga alon sa batuhan.
"Malamig pa naman yata ang tubig, Vince," sabi ko naman habang pinagmamasdan ang asul na kulay ng tubig dagat. Hinawi
