KABANATA 10:
HINDI ako nagtagal sa kwarto niya dahil pinalabas ulit ako ng kasambahay. Walang kangiti-ngiti si Emil ng tumayo ako.
"It's not funny anymore," yamot na sabi niya.
Ako naman ngayon ang napangisi. Paano kahapon ayos lang sa kanya at ako pa ang tinutukso. Pero ngayon ay nakakaramdam na siya ng inis dahil binabantayan kami sa Mansion.
"Sige na, sa kwarto na ko," paalam ko sa kanya habang nakangisi.
Balak pa sana niya akong pigilan kung di lang ako nanakbo palayo.
Humalakhak ako ng marinig itong sinigaw na ang pangalan ko. Ngiting-ngiti pa ako habang naglalakad sa hallway. Tumigil ako ng makasalubong si Nurse Gi. Galing siya sa kwarto ni Lolo dahil pinainom niya ito ng gamot.
"Ngayon na lang kita nakitang ngumiti at tumawa ng ganyan. Ang sarap pakin
