Sabay umalis si sir Adrian at Monique ng hapon na 'yon. Thirty minutes pa bago mag-alas singko kaya naman ay maiiwan pa ako. Nag-ayos muna ako ng ilang mga files sa computer bago ako nag-out.
Naglakad ako at hindi muna ako pumara ng sasakyan. Paramg gusto kong kumain muna ng mga street food ilang kanto ang layo mula sa trabaho.
Pero bago pa ako makarating doon ng may huminto na sasakyan sa gilid ng kalsada. Napalingon ako at nakita kong binababa ng driver ang binatana ng kaniyang salamin.
"Tasha," tawag niya sa akin. Si sir Jetro ito. Ang kaibigan ni sir Adrian.
"Sir," sagot ko naman at humarap sa kaniya.
"Bakit ka naglalakad?" tanong niya.
"Kakain muna ako ng street food diyan sa kanto sir, bago ako umuwi," sagot ko.
"Hindi maganda ang street food para sa kalusugan mo," wika
