"Kanino na naman galing iyan?" Tanong niya sa delivery man na may bitbit na malaking bouquet ng bulaklak.
Napakamot ng ulo ang delivery man saka ngumiti sa kanya at pinapirma na siya sa papel.
"Sobrang ganda niyo po kasi Ma'am Gianna, kaya laging may padalang flowers sa inyo," nakangiting tugon ng delivery man sa kanya.
"Nagsasayang lang sila ng pera," iling ulong sabi pa niya. Ngumiti lang sa kanya ang lalake at nagpaalam na.
Humugot siya ng malalim na paghinga at naupo muli sa swivel chair. Tinignan ang maganda at halatang mamahalin na bulaklak sa ibabaw ng desk niya.
"Galing ba ito kay Calvin o kay Darwin?" Bulong na tanong niya sa sarili.
Halos isang linggo na kasing nagpapasiklaban sina Calvin at Darwin sa mga pagpapadala ng bouquet sa kanya. Halos araw-araw nga meron siyang in
