Alyssa's POV
Nagpaalam si Helious na maligo habang ako inaasikaso ko naman ang pagkain namin sa tanghali. Gusto ko kasi talaga na ako ang nag-aasikaso pagdating sa pagkain kaya hindi pinapakialaman ni Ate Raine ang gawain na 'yan.
Tapos na akong magluto at ayos na rin ang mesa ngunit hindi pa bumababa ang asawa ko.
Hindi ko na siya hinintay na bumaba kundi ako na lang ang umakyat para puntahan ito sa kwarto.
Pagpasok na pagpasok ko ay hindi ko siya nakita sa loob. Wala siya sa kama, sa dressing room wala din ito. Naririnig ko pa ang lagaslas ng tubig sa banyo kaya alam king naliligo pa siya.
Isang oras na rin yata ang nakalipas simula ng magpaalam siya kanina. Siguro nagpahinga pa ito bago naisipan maligo.
"Daddy!" tawag ko.
"Yes, Mommy!" sagot naman nito kaya napangiti ako.
