"SIGE, balae, una na ako," paalam ni Madam Angie kay Aling Yolanda. Nagbeso-beso sila na mag-balae. Nauna na itong magpaalam kay Yolly kanina.
"Ingat ka, balae." Magiliw na kaway pa ni Aling Yolanda nang paalis na ang kotse ni Madam Angie.
Si Yolly ang nakabusangot ang mukha dahil sa presensya pa rin ni Andy sa bahay nila. Nagpaiwan pa kasi ito. Hindi pa raw nakuntento na makasama ang mga anak nila. Tutal ay Sabado naman daw bukas ay susulitin na raw nito ang makapiling ang mga triplets.
Ayaw niya sana pero pinagkaisahan na naman siya biyenan niya at nanay niya. Kaya wala na siyang nagawa. Nakakaamoy na nga siya ng sabwatan, eh.
"Hello?" tinig ni Andy na nagpalingon sa kanya sa nasa likod na asawa. Pati man si Aling Yolanda ay napatingin kay Andy.
"Excuse me," ani Andy na lumayo. Ipin
