"S-SON?"
Napakislot si Andy sa tinig na iyon ng kanyang mommy. Medyo nagulat kasi siya dahil kasalukuyan niyang tinititigan si Baby Anne. Awang-awa siya sa anak niya. Kay bata-bata pa nito pero nakakabitan na ng kung anu-anong aparato sa katawan para lang malabanan ang kamatayan. Lumong-lumo siya. Kung pwede lang sana ay yakapin niya ito ng mahigpit. Kung puwede lang ay ipalit niya ang sarili niya sa kinalalagyan ng kanyang anak.
Kanina ay nagpasya na lamang siyang bantayan ang anak niya kaysa maghintay kay Yolly. Sa tabi ng anak niya siya iyak nang iyak habang hawak ang maliit nitong kamay. Sa anak din siya paulit-ulit na humingi ng patawad dahil naging pabaya siyang ama at asawa.
"Son, tungkol sa asawa mo," tinig na naman ni Madam Angie.
Pinunas muna ng likod ng isang palad ni Andy a
