"ANDY, dali na! Puntahan mo ang mga anak mo nang makaalis na tayo! Bitawan mo na si Yolly!" bulyaw ni Leandro kay Andy.
Ayaw na kasing pakawalan ni Andy si Yolly. Ang medic ay tinatabig niya. Mahigpit ang yakap niya sa ulo ni Yolly. Para niyang pinagdadamot ang duguang asawa sa mga gustong humawak dito.
"Aaaahhh!" At napapahiyaw siya paminsan-minsan kapag nahihirapan siyang huminga sa bigat ng nadarama.
"Andy, kami nang bahala kay Yolly! 'Yung mga anak mo ang dapat mong samahan sa kabilang ambulansya!" Hila na rin ni Shone sa kaniya. Sila ni Leandro ang natataranta.
Ngunit parang wala talagang naririnig si Andy. Iniiwas-iwas niya ang braso kay Shone. At mas nag-iiyak siya habang nakasubsob sa ulo ng asawa. Tila ay nawalan na talaga siya ng katinuan sa isip. Wala siyang pake kung pati m
