"TABI! Tabiiiii!" pagsisigaw ni Andy sa mga taong humaharang sa mga dadaanan niya. Pinagtutulakan niya ang mga ito at pinagbabalya.
Sunod-sunod silang tatlo nina Shone at Leandro. Hindi na sila makatakbo dahil napakabilis na dumami ng tao sa Circle Park. Ang dami ng mga tao na nakikiusyuso. Tapos maririnig na rin ang mga wang-wang ng pulis car at bombero. Napakabilis ng pagresponde ng mga awtoridad sa 'di inasahang pagsabog na iyon sa pampublikong pasyalan. Nga lang ay tila huli na ang lahat.
"Sabing tabiiiiiii!!!" sigaw pa ni Andy. Gigil na gigil siyang lumuluha, bakas na bakas sa kanyang mukha ang matinding pag-aalala. Agaw hininga na siya sa kabang narararamdaman niya para sa mga mag-iina niya. Hindi niya alam ang gagawin kapag may nangyaring masama kay Yolly lalo na sa kanyang mga an
