"ANONG tinitingin-tingin mo?" mahaba ang ngusong pansin ni Yolly sa asawa.
Humiga kasi si Andy na parang nasa beach at titig na titig sa kanya. Patagilid at nakapangalumbaba ito.
"Wala. Nami-miss ko lang kasi iyong ANG NABUNTIS KONG PANGET noon na hindi naman pala. Wala na kasi siya, eh."
Pinaningkitan niya ito ng mata. "Andy, tigil-tigilan mo nga ako."
"Bakit totoo naman, ah. Nami-miss ko na 'yung dating Yolly." Pinalungkot ni Andy ang tinig.
"Tse!" Inirapan ni Yolly ang nagdradramang asawa kahit na deep inside ay kinikilig siya. Tapos na niyang palitan ng diaper si Baby Yvette kaya kinarga na niya ito para makaiwas at sinayaw-sayaw na nakaupo siya. Ayaw kasing magsipagtulog ang mga sanggol, siguro ay natutuwa rin ang mga ito dahil naipasyal sila. Salamat kay Andy dahil naisip nito a
