NAGULAT ako na’ng bigla s’yang napa-ubo ng tatlong beses kaya agad kong dinampot ang garapon na may lamang juice at iniabot iyon sa kan’ya. Tinanggap n’ya agad sabay inalis ang straw at hinagis sa kung saan. Nangangatog ang kanan n’yang kamay na iniinom ang laman no’n habang mabilis na tumatas-baba ang kan’yang Adam’s apple sa leeg. “Dahan-dahan lang naman, walang humabahol sa ‘yo,” saway ko sa kan’ya sa normal na boses at kinapitan ang sling bag ko para mahanap ang panyo ko ro’n.
Na’ng makita ko na, ingat ko agad ang braso ko sabay marahang ipinahid sa bibig n’yang madungis na ngayon. Tinanggal ko rin ang mga kanin na sumabit sa mga balbas n’ya. Napansin kong parang nanigas s’ya sa ginawa ko.
“Susubuan na lang kita para hindi mabigla mas’yado ang tiyan mo,” mahinahong sambit ko sa ser
