KINAUMAGAHAN maagang nagising si Saddie para mag-asikaso ng agahan at hindi na muna inistorbo ang binata sa mahimbing nitong pagtulog. Dumiretso na siya sa kusina nang salubungin siya ni Aleng Ester ng ngiti at bati.
"Good morning din po, tutulong po ako sa paghanda ng almusal," alok ni Saddie.
"Naku, hindi naman kailangan masyado kang masipag hindi magugutom si master Maven sa 'yo sa oras na ikasal ka sa kanya," biro ng ginang.
Ngumiti na lamang si Saddie na maitago ang hiya niya at pamumula ng pisngi. "Oo nga po pala, gusto po sana namin ni Maven na mamasyal dyan sa bayan? Ano po bang mairekomenda ninyong lugar, kunting picture taking lang po at makalabas naman siya kahit pa paano sa mansyon."
"Ay oo naman, 'buti naman napapayag mong lumabas ang batang iyon para naman makalanghap siy
