“Kumain ka na ba?” nag-aalalang tanong ni Mr. Laurel sa dalaga.
Ngumiti naman si Saddie. “Hindi pa po pero hindi naman po ako gutom.”
“That’s good, kasi may pagkain kami, halika sama ka sa amin,” yaya naman ni Saxon.
Hindi alam ni Saddie kung anong ibig sabihin ng binata nang itulak ng nagbabantay kay Mr. Laurel ang wheelchair nito, kinuha naman ni Saxon ang kamay niya para ilagay sa braso at sumunod sa matanda.
May ilang bilog na lamesa kung saan masayang nag-uusap ang miyembro sa clan ng mga Laurel at ilang kalapit na sikat ng clan sa kanilang pamilya. Napatigil si Saddie nang makita ang mga ito, hindi niya maiwasang hindi ma-intimidate sa mga ito, ayaw niyang magkaproblema kaya kailangan niyang umiwas.
“Hindi ko naman kailangan sumabay sa inyo? Kaya kong kumain mag-isa,” nahihiyang
